Zgjedhjet lokale/ Përfundon orari zyrtar, mbyllen qendrat e votimit në 38 komuna të Kosovës
Nga OraNews Përditësimi i fundit 12 Tetor 2025, 19:09
Në Kosovë u mbajtën sot zgjedhjet për kryetarë të komunave dhe përfaqësues të kuvendeve komunale.
Kutitë e votimit janë mbyllur ndërsa pritet rezultati i zgjedhjeve.
Në këtë proces kishin të drejtë vote 2 milionë e 69 mijë e 98 votues brenda Kosovës, ndërsa rreth 44 mijë votues kanë qenë të regjistruar për të votuar nga jashtë vendit.
Sipas Komisionit Qendror të Zgjedhjeve në Kosovë, votuan vetëm 32.85% e qytetarëve.
Procesi zgjedhor ka nisur në ora 07:00 dhe përfundon në ora 19:00.
Mediat e Kosovës janë gati të publikojnë exit-pollet.
