“Modernizmi Nigerian” ndriçon në Tate Modern. Ekspozita e Bruce Onobrakpeya sjell artin afrikan në zemër të Londrës
Nga OraNews Përditësimi i fundit 8 Tetor 2025, 14:31
Piktori dhe skulptori 93-vjeçar Bruce Onobrakpeya, do të hap ekspozitën në lidhje me artin nigerian në Tate Modern, një nga galeritë kryesore të Londrës.
Onobrakpeya është midis më shumë se 50 artistëve, puna e të cilëve do të ekspozohet në galeri në bregun jugor të Tamizit si pjesë e “Modernizmit Nigerian”, një prezantim ambicioz që përfshin një periudhë nga viti 1910 deri në vitet 1990.
Për Onobrakpeyan, i quajtur me dashuri Baba Bruce në qarqet e artit, Modernizmi Nigerian është një transferim i ideve të vjetra, sendeve të vjetra, teknologjive të vjetra, mendimit të vjetër në një kohë të ndryshme, moderne.
Duke ecur nëpër dhomat e larta të Tate, janë të ekspozuara vepra që përziejnë teknikat vendase nigeriane si derdhja e bronzit, piktura murale dhe gdhendja e drurit, me stile më evropiane.
Ka piktura natyraliste që dokumentojnë ngjarje të jetës reale dhe vepra më abstrakte, si ato të artistit vizual, bateristit dhe aktorit Muraina Oyelami.
Për Oyelamin, vitet 1960 dhe 1970 ishin një "kohë emocionuese" për të qenë artist në Nigeri. Ishte gjithashtu një kohë e trazuar, koleksioni i Tate gjurmon udhëtimin e kombit nga një koloni britanike, në një vend të ri dhe të pavarur, deri në vendosjen e një lufte civile,të tmerrshme.
Lufta e Biafrës, e cila zgjati nga viti 1967 deri në vitin 1970, pasqyrohet nga artistë nga Shkolla e Artit “Nsukka”, një departament dhe lëvizje arti me ndikim që u themelua nga studentë dhe profesorë në Universitetin e Nigerisë.
Bonsu ka bashkuar një koleksion me një gamë të gjerë, nga akuarelet te fotografia, te gdhendjet e vogla me gjemba e deri te karikaturat politike.
Artistët vijnë nga grupe të ndryshme etnike dhe diaspora e madhe e Nigerisë.
"Modernizmi Nigerian" shfaqet në Tate Modern nga e mërkura deri më 10 maj të vitit të ardhshëm dhe shpreson të ndriçojë një lëvizje që prej kohësh ka qenë e nën-përfaqësuar në skenën globale.
