QYTETI I PAMPOSHTUR/ Rrënojat misterioze që sfiduan Aleksandrin e Madh (VIDEO)

Nga OraNews Përditësimi i fundit 24 Shtator 2025, 14:07

Termesosi, qyteti i lashtë në malet e Antalias, i njohur si “foleja e shqiponjës”, është vendi që Aleksandri i Madh nuk arriti kurrë ta pushtonte. Sot, ai mbetet një nga mrekullitë më të fshehura arkeologjike të Mesdheut.I braktisur prej shekujsh, por i ruajtur në heshtje, qyteti ofron tempuj, dhe një teatër mahnitës mbi re.

Në zemër të maleve të Antalias, fshehur mes pyjeve e shkëmbinjve, ndodhet një qytet që koha nuk e mposhti kurrë… Termesosi.

Qyteti që Aleksandri i Madh nuk arriti ta pushtonte, u quajt me të drejtë ‘foleja e shqiponjës’.

Fortifikimet e tij, të ngritura mbi një mijë metra mbi nivelin e detit, sfiduan edhe strategun më të madh të historisë.

Sot, varret e lashta dhe ato monumentale tregojnë lavdinë e dikurshme të populit tw lashtw qw jetontw nw zonat malore tw pisidis, nw Turqinë e sotmw jugperendimore.

QYTETI I PAMPOSHTUR/ Rrënojat misterioze që sfiduan Aleksandrin e Madh

Teatri i qytetit, me kapacitet prej 4 mijë vendesh, të lë pa frymë: një skenë mbi re, me një panoramë që shtrihet deri në det.

Edhe pse vetëm 45 minuta larg nga Antalia, Termesosi mbetet pothuajse i harruar, një thesar arkeologjik i ruajtur në heshtje dhe izolim.

Një qytet që i rezistoi Aleksandrit të Madh… sot pret vizitorët që guxojnë të ngjiten në fole e shqiponjës, për të prekur nga afër historinë.”