Dëshmia e tretë mbrojtëse në Hagë, Arifi: Deklaratat tregojnë realisht ngjarjet ashtu siç ka ndodhur
Nga Siklajda Shorja Përditësimi i fundit 22 Shtator 2025, 19:27
Avokati, Alban Arifi në një intervistë në Ora News u shpreh se deklaratat e dëshmitarëve në gjyqin ndaj krerëve të UÇK në Hagë tregojnë realisht ngjarjet ashtu siç kanë ndodhur.
Arifi: Deklaratat e dëhshmitarëve të cilat janë të propozuar nga ana e mbrojtjes janë deklarata pothuajse të njëjta për faktin se e tregojnë gjendjen faktike se si ka ndodhur lufta e UÇK dhe cilat kanë qenë përgjegjësitë dhe kompetencat e komandantëve të zonës.
Prandaj duke filluar nga zoti Rubin Williams dhe me dëshminë e fundit të zotit Dukan shihet qartë se të gjithë deklarojnë se përgjegjësi lidhur me zonat të cilat janë zhvilluar luftime gjatë periudhës së luftës së vitit 99’ në Kosovë kanë qenë përgjegjës komandant të zonës.
Prandaj konsideroj se mbrojtja ka bërë mirë që i ka ftuar si dëshmitarë, të deklarojnë lidhur me çështjen e mbrojtjes së krerëve të UÇK duke marrë parasysh se të gjithë këta duke filluar që nga negociatat e Rambujesë e në vazhdimësi kanë qenë në dijeni për rolin , përgjegjësinë e krerëve të UÇK.
