''Duhet të japë llogari edhe për inceneratorin'', Prençi: Veliajn do doja ta shihja si ministrat e Nepalit në lum
Nga OraNews Përditësimi i fundit 10 Shtator 2025, 21:06
Ish-drejtuesi i lartë i policisë, Shemsi Prençi i ftuar në emisionin ‘’Ora e Betit’’ në Ora News u shpreh se Erion Veliaj duhet të japë llogari edhe për çështjen e inceneratorit.
Prençi: Nga pikëpamja juridike dhe si jurist mendoj që do t’ia lëmë gjykatës të vazhdojë sagën e seancave gjyqësore për ato 13 çështje për të cilat akuzohet Veliaj.
Kur më kujtohet arroganca e Veliajt për atë që thoshte do të vazhdoj të paguaj inceneratorin sepse unë nuk marr leje nga deputetët dhe përdorte edhe një shprehje që unë nuk e përdor dot të PD pra i diskriditonte në aspektin e akuzave që ngrinin dhe për çfarë protestonin para bashkisë së Tiranës.
Do të doja ta shihja si ato ministrat e Nepalit në lum.
Pasi u dogjën godinat qeveritare dhe shtëpitë i zhveshën dhe po i rrifnin me kamzhik në lum.
Ata meritojnë më shumë sepse korrupsioni që ka bërë Veliaj dhe pushtetarët meritojnë më shumë.
Këtë e kam mendim si qytetar.
Kurse si jurist mendoj se duhet të japë llogari edhe për inceneratorin.
Deri më tani çështja e inceneratorit nuk i është vënë në ngarkesë juridikisht Veliajt.
