Xhixho: Tekste falas për nxënësit, një propagandë e konsumuar nga qeveria
Nga OraNews Përditësimi i fundit 25 Gusht 2025, 20:04
Sipas Erisa Xhixhos, shpërndarja e librave falas për nxënësit mbetet një mashtrim, pasi vetëm klasat I-III përfitojnë tekste të reja, ndërsa të tjerët detyrohen t’i blejnë vetë.
Postimi:
Propagandë e vjetër dhe aq e konsumuar sa librat që u jepen nxënësve falas.
Tekstet e papërdorshme që qeveria i jep falas zënë vend vetëm në postimet e kryeministrit.
Asgjë nuk ka ndryshuar nga një vit më parë, përveç faktit që në shkolla ka më pak nxënës.
Pajisja me tekste të reja falas e 236 000 nxënësve është një gënjeshtër e madhe.
Tekste të reja falas kanë vetëm klasat I-III, ndërkohë që nga klasa e IV-IX, tekstet që u jepen falas janë të papërdorshme.
Edhe këtë vit, prindërit janë të detyruar t’i blejnë librat e shkollës për fëmijët e tyre, sepse kjo qeveri nuk e ka pasur prioritet arsimin dhe as ka ndërmend ta ketë.
