Zbulime të reja nga FBI: James Comey dhe bashkëpunëtorët e tij, akuzohen për rrjedhje të informacionit të klasifikuar para zgjedhjeve të 2016
Nga OraNews Përditësimi i fundit 23 Gusht 2025, 13:13
Dokumente të deklasifikuara risjellin në qendër të vëmendjes akuzat ndaj ish-drejtorit të FBI, James Comey, dhe dy bashkëpunëtorëve të tij më të afërt, ish-këshilltarit të lartë ligjor James Baker dhe ish-shefit të stafit të Comey, James Rybicki, për rrjedhje të informacionit të klasifikuar tek mediat pak para zgjedhjeve presidenciale të vitit 2016.
Memos-at tregojnë se Baker dhe Rybicki vepruan sipas autoritetit të Comey, duke rrjedhur informacion të ndjeshëm për New York Times në tetor 2016, por megjithë provat, prokurorët federalë vendosën të mos ngrinin akuza penale.
Zbulimet u bënë nga Drejtori i FBI, Kash Patel, i cili identifikoi memos-at më parë redaktuar nga Departamenti i Drejtësisë në raportet e dërguara Kongresit.
Prokurorja e Përgjithshme, Pam Bondi, ndërhyri duke hequr redaktimet dhe dërgoi versionet e plota te Komitetet e Drejtësisë të Senatit dhe Dhomës së Përfaqësuesve.
Dokumentet e deklasifikuara tregojnë se hetimet nga Shërbimi Postar i SHBA-së dhe prokurori special John Durham konfirmuan përfshirjen e drejtorit Comey në autorizimin e rrjedhjeve, por asnjë nga të përfshirët nuk u ndëshkua penalisht.
Një memo përmbledhëse e hetimit shprehet se Baker rrjedhi informacionin për gazetën duke besuar se ishte autorizuar nga Comey për këtë veprim, ndërsa Rybicki veproi si ndërmjetës që përcillte udhëzimet e Comey.
Megjithatë, dokumentet nuk identifikojnë informacionin specifik të klasifikuar që u rrjedh dhe nuk përcaktojnë nëse Comey kishte autorizim formal për t’i dhënë ato medieve.
Hetimet u ndoqën nga disa prokurorë federalë, duke përfshirë zyrën e Prokurorit të SHBA-së në Washington, D.C., por të gjithë vendosën të mos ngrinin akuza penale.
Bondi deklaroi për Just the News se është e përkushtuar për të sjellë llogaridhënie për rrjedhjet që nuk janë ndëshkuar ende.
“Ky dokument, prodhuar nën drejtimin tim, konfirmon atë që shumë amerikanë kanë dyshuar prej kohësh: ish-drejtori i FBI, James Comey, dhe shefi i tij i stafit angazhuan sjellje të papranueshme.
Duhet llogaridhënie për ata që ishin të ngarkuar me ruajtjen e sekretit kombëtar dhe dështuan të përmbushin detyrën e tyre,” tha ajo.
Drejtori i FBI, Kash Patel, shtoi se dokumentet e deklasifikuara risjellin në dritë “autorizimin e ish-udhëheqjes së FBI për rrjedhjet e klasifikuara dhe fshehjen e së vërtetës ndaj Kongresit dhe publikut amerikan.
Falë përkushtimit të Presidentit Trump për transparencë, po zbulohen përpjekjet për fshehje. Publiku meriton llogaridhënie të plotë.”
Raporti i Inspektorit të Përgjithshëm të DOJ, Michael Horowitz, i publikuar në gusht 2019, kishte kritikuar Comey për vendimin e tij për të rrjedhur memot e tij personale lidhur me hetimin ndaj Trump dhe Flynn, duke konstatuar se veprimet e tij ishin jashtë politikave të Departamentit të Drejtësisë.
Hetimi i Horowitz përfshinte intervista me 17 dëshmitarë, duke përfshirë Comey dhe avokatin e tij të afërt, Daniel Richman, i cili pranoi se kishte komunikuar rregullisht me gazetarët e New York Times për llogari të Comey, për të “rregulluar” artikuj kritikë dhe për të formuar raportime të ardhshme, pa e konfirmuar me siguri për të dhënat e klasifikuara.
Dokumentet e deklasifikuara tregojnë gjithashtu se Baker dhe Rybicki luajtën role kyçe në hetimet e FBI-së ndaj përdorimit të informacionit të klasifikuar nga Hillary Clinton dhe pretendimeve të pabazuara mbi lidhjet e Trump me Rusinë.
Rybicki dhe Baker kanë mohuar çdo shkelje, duke argumentuar se veprimet e tyre ishin në përputhje me punën zyrtare dhe politikat e sigurisë kombëtare.
Hetimet e FBI-së, të përfshira në kodemimet e deklasifikuara si Tropic Vortex, Echos Fate, Foggy Falls, Genetic Christmas dhe Sirens Lure, zbuluan se shumë artikuj mediatikë që përhapën narrativën e rreme të Russiagate përmbanin informacion të klasifikuar të rrjedhur, por hetuesit nuk arritën të identifikonin përgjegjësit.
Një nga këto hetime, Arctic Haze, zbuloi se Comey përdorte një kanal special për të komunikuar me një gazetar të Pulitzer Prize-winner, me qëllim të promovimit të imazhit të tij dhe nxitjes së emërimit të një prokurori special për të hetuar Trump.
Memos-t e reja zbulojnë gjithashtu përdorimin e email-eve personale nga Comey dhe komunikimet strategjike mes avokatëve dhe stafit të FBI-së për të përshpejtuar aprovimin e kërkesave FISA për Carter Page, si dhe rolin e Baker në vendimet e McCabe për të nisur hetime mbi Trump pas shkarkimit të Comey.
Ndërkohë, disa prej dokumenteve përfshijnë edhe hetime mbi përfshirjen e Michael Sussmann, i cili u padit nga John Durham në 2021 për pretendime të rreme mbi një lidhje sekrete midis Alfa Bank dhe Trump Organization, por Sussmann u shpall i pafajshëm në 2022.
Zbulimet e reja risjellin në fokus debatet mbi përgjegjësinë ligjore dhe politike të udhëheqësve të lartë të FBI-së dhe politizimin e informacionit të klasifikuar në prag të zgjedhjeve presidenciale, duke ndezur diskutime mbi transparencën dhe llogaridhënien në institucionet më të larta të sigurisë kombëtare.
