E rëndë në Maliq/ Sherr me thi*a mes të miturve, ndërron jetë 14-vjeçari
Nga OraNews Përditësimi i fundit 14 Gusht 2025, 18:56
Një ngjarje e rëndë ka ndodhur pasditen e sotme në fshatin Pirg të Maliqit.
Siç bën me dije policia një sherr me thika mes dy të miturve, i ka marrë jetën një 14-vjeçari.
Ngjarja ka ndodhur në një lokal në fshatin Pirg. E.Xh., 14 vjeç si pasojë e plagëve të marra nga sherri me thika, ka ndërruar jetë në spital.
Sakaq, 14-vjeçari tjetër, autori i dyshuar i ngjarjes është në spital për të marrë mjekim në mbikqyrjen e policisë.
Njoftimi i policisë:
Rreth orës 17:30, në fshatin Pirg, në ambientet e një lokali, ka ndodhur një konflikt dyshohet me mjet prerës (thikë) mes dy 14-vjeçarëve.
Si pasojë e plagëve të marra shtetasi E. Xh., 14-vjeç, ka ndërruar jetë në spital.
14-vjeçari tjetër autori i dyshuar i ngjarjes është shoqëruar në spital, për të marrë mjekim, dhe është nën mbikëqyrjen e Policisë.
Grupi hetimor nën drejtimin e Prokurorisë po punon për zbardhjen e rrethanave të ngjarjes.
