Shpërthen Etna në Siçili/ Rrjedhje llavë vullkanike në 3,000 metra lartësi, alarm portokalli për fluturimet
Nga OraNews Përditësimi i fundit 10 Gusht 2025, 17:19
Një shpërthim i ri ka ndodhur në malin Etna në Siçili. Shpërthimi i vullkanit u njoftua nga Instituti Kombëtar i Gjeofizikës dhe Vullkanologjisë, i cili vizitoi vendin për analiza të mëtejshme. Ndërkohë, bëhet me dije se llava po rrjedh nga një lartësi prej 3,000 metrash.
Aktiviteti filloi mbrëmjen e 9 gushtit dhe një alarm portokalli është lëshuar për fluturimet nga Aeroporti i Katanias. Burimi i dridhjeve vullkanike është lokalizuar në një lartësi prej 2,800 metrash, midis humnerës dhe kraterit verilindor, ndërsa nuk është raportuar asnjë aktivitet i rëndësishëm infrasonik.
Një ngjarje tjetër dhe aktivitet i rëndësishëm vullkanik ishte regjistruar tashmë në të njëjtin krah të vullkanit, me një rrjedhë të gjatë llave në shkurt.
