Dosja “Partizani”, GJKKO rrëzon Berishën dhe Malltezin për përjashtimin e trupës gjykuese
Nga OraNews Përditësimi i fundit 28 Korrik 2025, 11:50
Gjyqtari i GJKKO-së, Erjon Çela rrëzon kërkësen e avokatit të ish-kryeministrit Sali Berisha dhe dhëndrit të tij, Jamarbër Malltezi, për përjashtimin e trupës gjykuese të përbërë nga gjyqtarët: Elsa Ulliri, Bib Ndreca dhe Rudina Palloj.
Të pandehurit për dosjen “Partizani”, Berisha dhe Malltezi, kërkojnë që të mos gjykohen nga gjyqtarët e lartpërmendur, pasi, sipas tyre, këto gjyqtarë nuk garantojnë pavarësi dhe paanshmëri, duke qenë se monitorohen, përgjohen dhe mbikëqyren nga SPAK-u që është palë në këtë proces.
Më herët, relatores së trupit gjykues, Elsa Ulliri iu refuzua kërkesa për dorëheqje nga çështja nga zv/kryetari i GJKKO-së.
Gjyqtarja kërkoi dorëheqjen me arsyetimin se ka kushërirë deputeten aktuale të PD-së, Andia Ulliri.
Seanca e radhës për dosjen “Partizani” është caktuar të zhvillohet me 15 shtator.
Ish-kryeministri Berisha akuzohet për “korrupsion pasiv kryer në bashkëpunim”, ndërsa Malltezi për korrupsion aktiv dhe pastrim parash.
Të pandehur në këtë çështje janë marrë edhe shtetasit: Fatmir Bektashi, Xhimi Begeja dhe Andia Pustina.
