Ngërçi politik në Kosovë/ Koci: Nuk ka sinjale për ndonjë marrëveshje. Nëse nesër nuk gjendet zgjidhje, Kuvendi pezullohet
Nga Anila Zyberaj Përditësimi i fundit 25 Korrik 2025, 18:16
Analisti, Melazim Koci në një intervistë në Ora News u shpreh për ngërçin politik në Kosovë se ende deri tani nuk ka sinjale për ndonjë marrëveshje për konstituimin e Kuvendit.
Koci: Gjykata Kushtetuese i dha edhe një afat të shkurtër Kuvendit, pra deri nesër në ora 24:00 që të provojnë të gjejnë një zgjidhje.
Dhe nëse ajo nuk gjendet në takimin që është caktuar për nesër, fillon faza gati dy javore e pushimit të aktivitetit të Kuvendit.
Kuvendi nuk do të ketë të drejtë as të tubohet dhe as të marrë asnjë vendim.
Praktikisht Kuvendi do të jetë i pezulluar.
Mbetet të shihet nëse do të ketë marrëvesheje deri nesër, unë nuk besoj.
Mund të arrihet marrëveshje në çasin e fundit se nuk është e pamundur.
Por deri tani nuk ka sinjale për ndonjë marrëveshje.
