“Kjo hapësirë publike nuk është më ‘tokë e xanun’”, Rama: 8 grupe arkitektësh të shpërndarë në territor
Nga OraNews Përditësimi i fundit 9 Korrik 2025, 15:12
Kryeministri Edi Rama vijon me postimet lidhur me lirimin e hapësirave publike. Në një postim në rrjetet sociale, Rama ndan pamjet nga një hapësirë në zonën e 21 Dhjetorit, për të cilën thotë se nuk është më ‘tokë e xanun’.
Kreu i qeverisë ndër të tjera njofton se 8 grupe arkitektësh janë shpërndarë në territor për të inventarizuar plagët urbane që pas pastrimit kërkojnë shërim.
“Kjo hapësirë publike e 21 Dhjetorit (si të tjera në Tiranë sot, nesër e në vijim) nuk është më “tok e xanun”, por në ndërkohë 8 grupe arkitektësh janë shpërndarë në territor për të inventarizuar plagët urbane që pas pastrimit kërkojnë shërim, duke u rikthyer me projekte të reja komunitare për të cilat kemi marrë angazhimin e mbi 100 arkitektëve të huaj që punojnë edhe me Shqipërinë, e që do të kontribuojnë falas me projekt-idetë e tyre”, shkruan Rama.
