Kujdes fëmijët në vapë/ Lama: 0–2 vjeç në rrezik nga ekspozimi në diell
Nga Sonila Musai Përditësimi i fundit 6 Korrik 2025, 09:39
Me rritjen e temperaturave, pediatrit apelojnë për kujdes të shtuar ndaj fëmijëve, veçanërisht në orët me diell të fortë, nga ora 10 e paradites deri në 5 pasdite.
Shefi i urgjencës pediatrike në QSUT, Albert Lama në një intervistë për Ora News këshillon kujdes të veçantë për fëmijët 0–2 vjeç si mënyra më e mirë për të shmangur komplikacionet.
Me rritjen e temperaturave mjekët pediatër bëjnë thirrje për kujdes të shtuar ndaj fëmijëve, veçanërisht gjatë periudhës së ditës kur dielli është më i fortë.
Për pushimet apo qëndrimin në plazh, mjekët rekomandojnë kujdes i veçantë, sidomos për moshat 0–2 vjeç.
‘’Ekspozimi në diell duhet të jetë i kontrolluar.
Në orët e para të mëngjesit ose në orët e pasdites. Sidomos për fëmijët e vegjël duhet të evitohet’’.
Në këtë periudhë shërbimi i urgjencës pediatrike në QSUT po përballet me raste të fëmijëve me temperaturë, kollë problemeve gastrointestinale si barkqitje dhe të vjella.
shefi i urgjencës pediatrike në QSUT Albert Lama rekomandon kontroll të rregullt te mjeku i familjes, i cili njeh historikun shëndetësor të fëmijës dhe mund të ndërhyjë në kohë në rast komplikacionesh.
Mjeku thekson se parandalimi është gjithmonë më i mirë se trajtimi, ndaj prindërit duhet të jenë të vëmendshëm për çdo ndryshim në gjendjen e fëmijës gjatë këtyre ditëve të nxehta.
