"Profesor dhe baba i 2 fëmijëve!"/ Identifikohet v*ktima në Greqi, i dyshuar kryesor, ish-bashkëshorti i partneres
Nga OraNews Përditësimi i fundit 5 Korrik 2025, 15:22
Në mediat greke raportohet se është identifikuar 43-vjeçari i cili u vra në rrugën “Eirinis” në Agia Paraskevi të Greqisë, me të paktën tre plumba në qafë.
Bëhet me dije se 43-vjeçari është me origjinë polake, profesor dhe baba i dy fëmijëve.
Mësohet se policia greke arriti të identifikojë viktimën falë çelësave që ai mbante me vete, si dhe dëshmive nga personat e pranishëm në zonë.
Momentalisht, autori kryesor i dyshuar për vrasjen është ish-bashkëshorti i partneres së viktimës, i cili është në kërkim.
Sipas dëshmitarëve, autori është larguar nga vendi i ngjarjes në këmbë, pasi ka qëlluar disa herë me armë drejt viktimës. Ende nuk është e qartë nëse ai kishte një mjet transporti të parkuar afër dhe u largua i vetëm, apo nëse ndonjë person tjetër e ndihmoi të ikë nga vendi i krimit.
