Spiropali-Blondel: Thellim i bashkëpunimit parlamentar mes Shqipërisë dhe Belgjikës
Nga OraNews Përditësimi i fundit 20 Qershor 2025, 17:28
Kryetarja e Kuvendit, Elisa Spiropali u prit sot një takim në Bruksel (Belgjikë) nga presidenti i Senatit, Vincent Blondel.
Gjatë takimit Spiropali dhe Blondel ndanë vullnetin e përbashkët për thellimin e bashkëpunimit dypalësh parlamentar.
Kryeparlamentarja Spiropali i shprehu Blondel mirënjohjen për mbështetjen e Belgjikës ndaj Shqipërisë.
“Mirënjohje për mbështetjen e vazhdueshme të Belgjikës ndaj planit ambicioz, por realist të Shqipërisë për mbylljen e negociatave dhe anëtarësimin në Bashkimin Europian brenda kësaj dekade”, tha Spiropali.
Spiropali mori pjesë në Samitin e Asamblesë Parlamentare të NATO-s, zhvilluar në Parlamentin e Belgjikës, në Bruksel, në prag të Samitit të NATO-s.
