FOTOT/ Rita Ora merr gjithë vëmendjen rrugëve të Londrës, shfaqet përkrah…
Nga OraNews Përditësimi i fundit 13 Qershor 2025, 14:58
Këngëtarja e famshme, Rita Ora, ka marrë gjithë vëmendjen me paraqitjen e saj të fundit në publik. 34-vjeçarja dukej magjepsëse gjatë një performance surprizë në Londër, pranë stacion8it King’s Cross.
Artistja me origjinë shqiptare u shfaq në skenë së bashku me aktorin e famshëm Will Smith, duke ndezur atmosferën mes fansave të shumtë të pranishëm.
Ylli i muzikës u shfaq me një veshje provokuese bardh e zi – një xhaketë të shkurtër dhe pantallona të shkurtra të së njëjtës ngjyrë dhe dizajn, duke theksuar format e saj trupore.
Ndërkohë pamjen e kompletoi me taka të larta, syze dielli dhe vëthë të mëdhenj argjendi. Ndërsa pjesëmarrja në “TikTok LIVE” me DJ AG bëri që momenti të shpërndahej menjëherë në rrjet.
Në skenë iu bashkua edhe aktori 56-vjeçar, i cili u shfaq me një xhaketë të kuqe lëkure, duke i dhënë më shumë energji performancës me disa nga hitet e tij.
Në turmë u vu re edhe bashkëshorti i Ritës, regjisori Taika Waititi, ndërsa pas performancës, Rita dhe Will u përqafuan mes duartrokitjeve dhe brohoritjeve të fansave.
Përveç kësaj surprize, Rita ka vazhduar të promovojë këngën e saj më të re, “Heat”, e publikuar të premten. Në një video të postuar në rrjete sociale, ajo u shfaq me bikini portokalli pranë pishinës, duke shfaqur fizikun e saj dhe duke shkruar:
“Vera 2025 sapo u bë më e nxehtë”.
