Sekuestrohet sasi rekord metamfetamine në Meksikë, zbulohen 42 ton në një laborator
Nga OraNews Përditësimi i fundit 10 Qershor 2025, 18:30
MEKSIKË- Marina meksikane njoftoi dje sekuestrimin e një totali prej 42.2 ton metamfetamine në perëndim të vendit.
Ky është një nga sekuestrimet më të mëdha të drogës të bëra ndonjëherë në historinë e Meksikës.
Sekuestrimi u bë gjatë një operacioni ushtarak në laboratorë të paligjshëm dhe klandestinë në shtetin e Michoacan, Meksikë, dhe vlerësohet se metamfetamina e sekuestruar vlen më shumë se 50 milionë dollarë.
Vërehet se vendi është nën presion të fortë nga administrata e Presidentit Donald Trump në lidhje me trafikimin e drogës me origjinë nga Meksika në Shtetet e Bashkuara.
Trump ka nisur një “fushatë” agresive kundër hyrjes së drogës - veçanërisht fentanilit - në SHBA, ndërsa përmend trafikimin e drogës si një nga arsyet kryesore pse ai vendosi tarifa për importet nga Meksika.
