Sfida me Shqipërinë/ Trajneri i Serbisë, Stojkoviç vlerëson kuqezinjtë: Ekip i fortë, nuk duhet të bëjmë gabime
Nga OraNews Përditësimi i fundit 6 Qershor 2025, 17:57
Vetëm një ditë na ndan nga ndeshja mes Shqipërisë dhe Serbisë, e cila do të luhet të shtunën, më 7 qershor në orën 20:45 në stadiumin “Air Albania”.
Një sfidë e fortë, e cila zhvillohet për kualifikueset e Kampionatit Botëror 2026.
Shqipëria dhe Serbia “takohen” në fushën e blertë pas 11 vitesh.
Pas mbërritjes së kombëtares serbe në Tiranë, trajneri i ekipit doli në një konferencë për shtyp.
Dragan Stojkoviç tha se Shqipëria është një ekip i mirë me lojtarë të fortë dhe të kualifikuar.
“Shqipëria është një ekip i mirë dhe këtë e kanë treguar.
Ka shumë lojtarë të mirë me kualitet dhe të talentuar dhe ka një trajner të mirë si Sylvinho.
Duhet të jemi të kujdesshëm dhe të kemi konceptimin e duhur.
Nuk duhet të bëjmë gabime”, tha trajneri i kombëtares serbe, Dragan Stojkoviç.
