Ngelën pa bileta kundër Serbisë, tifogrupet me organizim unik në Shkup: FSHF na pengon por zemrën kuqezi nuk e ndal askush
Nga OraNews Përditësimi i fundit 4 Qershor 2025, 16:37
Tifogrupi shqiptar, “Shvercerat”, kanë njoftuar për organizim unik në Shkup.
Pasi kanë mbetur pa bileta për ndeshjen kundër Serbisë, si të gjithë grupimet e tjera, kanë vendosur që të mblidhen në sheshin e qytetit të tyre.
Të gjithë sytë janë te e shtuna ku në orën 20:45, Shqipëria do të presë për herë të parë Serbinë në Tiranë.
Kjo ndeshje është e vlefshme për kualfikueset e Botërorit 2026.
Njoftimi i Shvercerave:
“FSHF NA PENGON POR ZEMRËN KUQEZI S’MUND TA NDAL ASKUSH!
SHVERCERAT E KANË FJALËN E SHTUNA ËSHTË E JONA!
Të shtunën, në ora 20:45, krejt në Sheshin Skënderbeu SHKUP, e ndezim atmosferën për Kombëtaren tonë!
Ata na duan të ndarë ne u tregojmë që kudo që ka shqiptarë, ka një Shqipëri!
Nuk na ndalin dot me bileta, me rregulla, me urdhra! Ne jemi zëri i tribunes që s’humb kurrë – jemi Shvercerat, jemi Kuqezi, jemi Shqipëria e vërtetë! MOS MUNGO O JE ME KOMBIN, O JE KUNDËR TIJ!
Aktiviteti organizohet nga tifo grupi “Shvercerat” dhe përkrahet nga Komuna e Çairit. Një Komb, Një Zë, Një Flamur!”
