Ndërron jetë e moshuara në Devoll, ja çfarë dyshohet
Nga OraNews Përditësimi i fundit 9 Maj 2025, 20:30
Një e moshuar 86 vjeçare ndërron jetë rrugës për në banesën e saj në fshatin Hoçisht.
Nga informacionet paraprake mësohet se e moshuara mund të jetë rrëzuar dhe ka humbur jetën, ndërsa nuk përjashtohet as mundësia që të ketë pësuar infarkt.
E moshuara jetonte e vetme në banesë, policia sapo ka mbërritur në vendin e ngjarjes. Trupi do të transportohet drejt morgut për ekspertizën mjeko ligjore që do të zbardhë shkaqet.
