MILAN-BOLOGNA TESTI PARA FINALES! Kuqeblutë kërkojnë 3 pikët për një vend në Champions
Nga OraNews Përditësimi i fundit 8 Maj 2025, 15:06
AC Milan dhe Bologna përballen të premten në një ndeshje të vlefshme për Serie A. Por teksa Bolonja kërkon fitoren për të siguruar një vend në Champions, kuqezinjtë e Milanit e shohin si një test para finales së Kupës që do të luhet më 14 maj.
Ndeshja Milan-Bologna e vlefshme për javën e 36-të të Serie A do të shërbejë si një parathënie për finalen e Kupës së Italisë më 14 maj në Stadio Olimpico të Romës.
Milan, aktualisht në vendin e 9-të me 57 pikë, ka pak shpresa për të siguruar një vend në garat evropiane përmes kampionatit dhe e sheh Kupën e Italisë si rrugën e vetme për të arritur këtë objektiv.
Skuadra e trajnerit Sergio Conceicao ka fituar tre nga katër ndeshjet e fundit, përfshirë një fitore 2-1 ndaj Genoas, por vazhdon të ketë vështirësi në ndeshjet në shtëpi, me vetëm një fitore në pesë ndeshjet e fundit në San Siro.
Mungesat e Rafael Leao, i pezulluar dhe Youssouf Fofana i dëmtuar pritet të ndikojnë në përbërjen e skuadrës.
Nga ana tjetër, Bologna duekt se është më e interesuar për 3 pikët, edhe pse në tranfertë. Aktualisht kuqeblutë ndodhen në vendin e 7-të me 62 pikë, vetëm një pikë larg zonës së Ligës së Kampionëve.
Skuadra e trajnerit Vincenzo Italiano është e pamposhtur në tre ndeshjet e fundit, përfshirë një barazim 1-1 ndaj Juventusit, dhe ka një mbrojtje solide, duke pësuar vetëm katër gola në gjashtë ndeshjet e fundit. Bologna synon të realizojë një fitore të dyfishtë ndaj Milanit këtë sezon, pasi fitoi ndeshjen e parë 2-1 në shkurt.
Kjo ndeshje është e rëndësishme për të dyja skuadrat: për Milanin, për të ruajtur ritmin dhe për të ndërtuar besimin para finales së Kupës; për Bolognën, për të qëndruar në garë për një vend në Ligën e Kampionëve.
Me një histori të pasur përballjesh dhe një rivalitet që po rritet, kjo përballje pritet të jetë e fortë dhe vendimtare për fatin e sezonit të të dyja skuadrave.
