E zyrtarizon Elbasani, lojtari largohet nga verdheblutë
Nga OraNews Përditësimi i fundit 30 Prill 2025, 16:21
Sapo ka përfunduar sezoni i rregullt dhe vjen largimi i parë nga skuadra e Elbasanit, që nuk arriti të futet dot në “Final 4”.
Klubi verdheblu njofton se ka ndërprerë me konsensus bashkëpunimin me portierin Razak Abalora.
“Ekipi verdheblu njofton mbylljen e bashkëpunimit me portierin Razak Abalora.
Ganezi nuk arriti ta mbyllte kampionatin për shkak të një dëmtimi të rëndë në këmbë kështu duke e përfunduar eksperiencën në Shqipëri para kohe.
Elbasani e falenderon për kontributin e dhënë gjatë këtij sezoni”, shkruhet në njoftimin e klubit.
Portieri Abalora u bashkua me Elbasanin në nisje të sezonit dhe luajti 27 ndeshje me fanellën verdheblu në Kategorinë Superiore.
