Vazhdon tragjedia në Gaza/ Të paktën 25 të vrarë pas sulmeve ajrore izraelite
Nga OraNews Përditësimi i fundit 18 Prill 2025, 22:12
Sulmet ajrore izraelite në të gjithë Gazën shkaktuan vdekjen e të paktën 25 personave duke përfshirë fëmijë, thanë punonjësit e spitalit, ndërsa ambasadori i ri amerikan në Izrael bëri paraqitjen e tij të parë publike në Jerusalem, sipas AP.
“Të vdekurit përfshijnë 15 persona të vrarë në tre sulme në qytetin jugor, Khan Younis”, sipas Spitalit Nasser. “Dhjetë persona u vranë në Jabaliya, duke përfshirë tetë nga e njëjta shtëpi”, sipas Spitalit Indonezian.
Kjo vjen një ditë pasi më shumë se 20 persona u vranë në Gaza, ndërsa Izraeli ka intensifikuar sulmet, duke i bërë presion Hamasit që të kthejë pengjet dhe të çarmatoset.
Ambasadori i SHBA-së, Mike Huckabee vizitoi sot Murin Perëndimor, vendin më të shenjtë të lutjes hebraike, në qytetin e vjetër të Jerusalemit.
Në daljen e tij të parë si ambasador, Huckabee tha se po bënte çdo përpjekje për të sjellë në shtëpi pengjet e mbajtura nga Hamasi.
Gjatë mandatit të tij të parë, Trump njohu Jerusalemin si kryeqytetin e Izraelit për shkak të kundërshtimeve palestineze dhe zhvendosi ambasadën e SHBA-së nga Tel Avivi.
Palestinezët kërkojnë pjesën lindore të qytetit, të pushtuar nga Izraeli në luftën e Lindjes së Mesme të vitit 1967, si kryeqytetin e tyre të ardhshëm.
Ardhja e Huckabee në detyrë – vjen në një kohë kyçe në luftën 18-mujore – pasi ndërmjetësit ndërkombëtarë, përfshirë SHBA-në, po përpiqen të rikthejnë në rrugën e duhur armëpushimin e pezulluar.
Izraeli kërko lirimin e më shumë pengjeve, në fillim të çdo armëpushimi të ri, dhe në fund çarmatosjen dhe largimin e Hamasit nga territori. Izraeli ka thënë se po planifikon të pushtojë “zona të mëdha sigurie” brenda Gazës.
