Fidan: Turqia nuk dëshiron konfrontim me Izraelin në Siri
Nga OraNews Përditësimi i fundit 4 Prill 2025, 19:35
Turqia nuk dëshiron asnjë konfrontim me Izraelin në Siri – pasi sulmet e përsëritura izraelite në objektet ushtarake minuan aftësinë e qeverisë së re për të frenuar kërcënimet, tha sot ministri i Jashtëm turk, Hakan Fidan për “Reuters”.
Në një intervistë përpara takimit të ministrave të Jashtëm të NATO-s në Bruksel, Fidan tha se veprimet e Izraelit në Siri – ku administrata e presidentit Ahmed al-Sharaa është një aleat i ngushtë i Turqisë – po i hapin rrugën destabilitetit të ardhshëm rajonal.
“Nëse administrata e re në Damask dëshiron të ketë “mirëkuptime të caktuara” me Izraelin, i cili, ashtu si Turqia, është fqinj i Sirisë, atëherë kjo është punë e tyre”, shtoi ai.
Izraeli ka kryer sulme të shumta ajrore duke shënjestruar infrastrukturën ushtarake brenda Sirisë – që nga rënia e regjimit të Bashar al-Assad në dhjetor 2024.
Sulmet kanë çuar në tensione të mëtejshme midis Jerusalemit dhe Ankarasë, ku të dy vendet kanë akuzuar njëra-tjetrën për përpjekje për të siguruar dominimin në rajon.
