"Plas” peshku në Parlamentin e Australisë! Protesta e çuditshme që po bën xhiron e rrjetit
Nga OraNews Përditësimi i fundit 27 Mars 2025, 16:56
Një skenë e pazakontë dhe virale u regjistrua në Parlamentin e Australisë, ku senatorja e Partisë së Gjelbër, Sarah Hanson-Young, nxori një salmon të ngordhur gjatë një debati të nxehtë mbi industrinë e peshkimit.
Pamjet e saj duke mbajtur peshkun në një qese plastike, teksa sfidonte qeverinë për ligjet e reja që mbrojnë fermat e diskutueshme të salmonit, bënë xhiron e rrjeteve sociale. Ky veprim ekstrem synonte të tregonte ndotjen që, sipas aktivistëve, po shkatërron ekosistemin detar të Tasmanisë.
Por momenti më viral erdhi kur presidentja e Senatit, Sue Lines, i kërkoi senatores ta largonte menjëherë “protagonistin” e protestës nga salla, duke shkaktuar habi dhe të qeshura në Parlament dhe jashtë tij.
Kjo protestë e pazakontë ka ndezur diskutime të mëdha, jo vetëm për ndikimin mjedisor të industrisë së salmonit, por edhe për mënyrën se si politikanët zgjedhin të bëjnë opozitë.
