“Sy m’sy, monolog"/ Berisha: Rama përpiqet ta zëvendësojë lali vjedhësin me lali Lulin! Basha përpiqet ta qarkullojë emrin me Edin
Nga OraNews Përditësimi i fundit 22 Mars 2025, 18:51
Kreu i PD, Sali Berisha ka komentuar pseudonimin që i ka vendosur kryeministri, Edi Rama si “bufi i kënetës”. Berisha i ftuar në emisionin “Kjo javë” është shprehur se Rama bën monolog përmes rubrikës “Sy m’sy”. Sipas tij ajo rubrikë nuk është bisedë me qytetarët, por me veten. Ai shtoi se tani Rama bën dialog me Lul Bashën duke zëvendësuar kryebashkiakun Erion Veliaj.
“Unë e kisha konstatuar se ai bën monolog nga zyra e tij. Zyra ime e shtypit printoi 1600 komente asnjë prej tyre nuk lexoi asnjë prej tyre dhe as iu përgjigj. Ai Eduardi ishte fiksim, janë pyetje vetes. Pasi u zbulua kjo, tani bën dialog me Lul Bashën, ja ka zëvendësuar lali Erin”, tha Berisha.
Berisha tha se Rama bën gjithçka për të shmangur atë që është e rëndësishme për programin elektoral. Sipas tij, nga 62 premtime ai s’ka mbajtur vec një prej tyre, ka 61 mashtrime. Ai nuk do të flasë më për program, flet për cdo gjë tjetër por jo për detyrime, nuk flet për suksese se ka vetëm dështime.
Berisha tha se Rama kërkon ta zëvendësojë Bashën me kryebashkiakun Erion Veliaj që ndodhet në burg, ndërsa Basha kërkon të qarkullojë si personazh.
“Lul Basha dhe Edi Rama është ëin ëin story. Rama përpiqet ta zëvendësojë lali vjedhësin me lali Lulin. Luli përpiqet ta qarkullojë emrin me Edin e mendon të jetë personazh. Nuk është vetëm se një skeç qesharak dhe shqiptarët e dinë që janë shumë bajate”, tha Berisha.
