Çela: Si përfaqësues i Pogradecit, sigurisht do doja që të isha në listë të mbyllur
Nga OraNews Përditësimi i fundit 19 Mars 2025, 21:49
Kandidati i PD në Pogradec, Genti Çela në një lidhje me ‘Skype’ në emisionin ‘’Ora e Betit’’ në Ora News u shpreh se si përfaqësues i Pogradecit do donte të ishtë në një listë të mbyllur.
Çela: Automatikisht është dhënë dorëheqja.
Në momentin që një kryetar dege aplikon për në Primare dhe zgjedhjet për kreun e ri të PD të degës Pogradec por dhe të gjitha degëve ku kryetarët kanë fituar Primaret do mbahen besoj pas zgjedhjeve të 11 majit.
E dimë shumë mirë se me kë e kemi betejën e 11 majit dhe sigurisht që në plan të dytë është se kush drejton një degë të caktuar.
Sigurisht që do të doja që si përfaqësues i Pogradecit të isha në një listë të mbyllur por nuk jam në politikë për rehatinë e listave të hapura apo të mbyllura.
Jam për të luftuar për idetë e mia.
Jam këtu për të luftuar për Pogradecin i cili në fakt për fat të keq unë nuk mbaj mend kur ka qenë hera e fundit që është përmendur emri i qytetit tim në parlament.
