"Lidhjet e ngushta Uashington-Ankara vendimtare për stabilitetin rajonal"! Erdogan kërkon takim në Shtëpinë e Bardhë me Trump
Nga OraNews Përditësimi i fundit 18 Mars 2025, 12:45
Presidenti turk Rexhep Tajip Erdogan po punon për të siguruar një takim me Donald Trump në Shtëpinë e Bardhë, i cili mund të ndodh në fund të muajit prill.
Erdogan e sheh forcimin e një partneriteti strategjik midis Ankarasë dhe Washington-it si kritik për stabilitetin rajonal pasi Turqia duket të bëhet një ndërmjetës i shquar i fuqisë për çështjet nga Ukraina në Siri, shkruan Reuters.
Marrëdhëniet SHBA-Turqi janë tensionuar që nga blerja e një sistemi rus të mbrojtjes raketore dhe mbështetja e Uashington-it për një milici kurde siriane që Turqia e sheh si një kërcënim për vendin, mes mosmarrëveshjeve të tjera.
Në një telefonatë me Trump pak ditë më parë, Erdogan i kërkoi presidentit amerikan të heqë sanksionet e vendosura gjatë mandatit të tij të parë ndaj industrive të mbrojtjes të Turqisë si rezultat i blerjes ruse.
Ai kërkoi gjithashtu që t’i jepet fund përjashtimit të Turqisë nga zhvillimi i avionëve luftarakë F-35 dhe të finalizohet shitja e avionëve të rinj F-16.
