“Ethet” e “11 majit”, Rama mbledh kandidatët e Tiranës: Nuk duhet ta humbasim trenin e BE-së

Nga OraNews Përditësimi i fundit 17 Mars 2025, 09:29

Kryeministri Edi Rama në cilësinë e kryetarit e të Partisë Socialiste e ka nisur ditën e parë të javës me një takim që në orët e para të mëngjesit duket prezantuar kandidatët për deputetë në Qarkun e Tiranës që do të garojnë në zgjedhjet parlkamentare të 11 majit.

Fjalën e hapjes e mbajti Ogerta Manastirliu, bashkëdrejtuese e PS për Tiranën, e cila theksoi se prej muajit shtator dhe deri tani ka qenë një periudhë intensive takimesh dhe opinionesh për përfaqësinë e garës në qarkun e Tiranës.

Bashkëdrejtuesja e Partisë Socialiste për Tiranën, Elisa Spiropali tha sot se në zgjedhjet e 11 majit, sfida jonë historike është mandati i katërt i PS-së, për anëtarësimin e Shqipërisë në BE.

Në takimin që u zhvillua në Tiranë, me kandidatët e PS për qarkun e Tiranës, ku ishte i pranishëm edhe Kryeministri Edi Rama, ajo vlerësoi punën e deputetëve aktualë, teksa tha se, “PS është një mjet për të transformuar Shqipërinë. Nga 2013 deri më sot kemi bërë ndryshime epokale që nga trefishimi i të ardhurave, rritja e pagave dhe rilindja e infrastrukturës rrugore, arsimore e në çdo drejtim të jetës”.

“Aspirata jonë është që në dy vitet e ardhshme ne mbyllim negociatat dhe brenda kësaj dekade të jemi pjesë e familjes europiane me të gjitha detyrimet dhe përfitimet që ka ky anëtarësim”, tha Spiropali.

Ajo vuri në dukje se, “përbërja e kësaj skuadre, kombinim shumë i mirë i eksperiencës të të gjithë deputetëve të kësaj legjislature, ju e dini se cilët janë deputetët tanë që në këtë legjislaturë kanë bërë një punë fantastike, dhe kanë qenë aty gjithmonë për PS dhe qytetarët shqiptarë për t’iu përgjigjur jo vetëm thirrjes që kanë marrë me votë”.

“Ju jeni në listën e PS as në të hapur dhe as në të mbyllur, sepse aty do të jetë eksperienca dhe kontributi që do të vlerësohet nga qytetarët.  Për të rinjtë jam shpresë plotë, që i janë bashkuar PS, dhe për ata që kanë kuptuar se PS është mjet për të transformuar Shqipërinë me Edi Ramën dhe PS”, u shpreh Spiropali.

Rama u shpreh se nuk duhet ta humbasim trenin e BE-së dhe vetëm kur të hymë në BE, vijoi ai, nuk do të ketë rëndësi kush qeveris këtu.

EDI RAMA: “Kemi një skuadër që sot i jep të gjithëve mundësi të zgjedhin. Ndryshe nga herët e tjera kemi një karakteristikë të rem të shumëpritur për mua personalisht, që në skuadrën e 11 majit kemi në të gjithë ekipin tonë edhe një përbërje domethënëse të atyre që kanë kapërcyer nga njëra anë tek tjetra dhe janë me ne pasi në një proces të gjatë kanë parë se sa pa lidhje dhe sa e kotë është të besosh se mund të bijë diçka e mirë për vendin e njerëzit duke dalë për të kërkuar vota për ata që sot janë përballë nesh.

Është e mirëpritur sepse besoj se PS është më e gjerë se perimetri i anëtarësisë dhe është shumë më e gjerë se shumëkush brenda nesh e percepton duke harruar që në fund të ditës ne jemi këtu mishërimi i vullnetit të afro 800 mijë shqiptarëve që me votën e diasporës mund të shkojnë në 1 mln.

E pamundur të mos përpiqemi që këtë forcë t’ua vëmë në dispozicion të gjithëve pavarësisht dallimeve.

Nuk ka pasur zgjedhje të tjera me një peshë gjeopolitike si kjo. Për herë të parë mundësia e hyrjes së Shqipërinsë në BE është reale dhe e prekshme. Është hapur një dritare që nuk do të qendrojë e hapur përgjithmonë. Treni i historisë kalon para nesh dhe ne duhet të jkemi të vetëdijshëm që ndalon shumë pak në stacion".

Kandidatët e Qarkut Tiranë të Partisë Socialiste

LISTA E MBYLLUR

Edi Rama

Ogerta Manastirliu

Elisa Spiropali

Lindita Nikolla

Taulant Balla

Adea Pirdeni

Albana Koçiu

Igli Hasani

Delina Ibrahimaj

Ilva Gjuzi

Iris Luarasi

Erjon Malaj

LISTA E HAPUR

Andi Seferaj

Anila Denaj

Antonela Dedej

Arben Pëllumbi

Blendi Gonxhe

Blendi Sulaj

Blerina Gjylameti

Edlira Dyrmishaj

Eldi Çepeli

Endrit Brahimllari

Entela Ramosaço

Erjon Braçe

Ermonela Felaj

Ervin Hoxha

Etilda Gjonaj

Etjen Xhafa

Fatmir Xhafaj

Florian Pullazi

Glindxhet Madhi

Halil Koloshi

Halit Valteri

Julinda Dhame

Kejsi Elezi

Klotilda Bushka

Mimi Kodheli

Mirgit Vata

Olta Xhaçka

Ornaldo Rakipi

Pandeli Majko

Persida Shkrepa

Plarent Ndreca

Roy Bashaj

Silda Çepe

Sofika Lleshi

Toni Gogu

Xhemal Qefalia

Ylli Shehu