VIDEO/ Situatë emergjente në Long Island, NY, guvernatori merr masa urgjente

Nga OraNews Përditësimi i fundit 9 Mars 2025, 07:51

Autoritetet lokale kanë kërkuar evakuimin e Westhampton – Guvernatori i Nju Jorkut ka shpallur gjendjen e jashtëzakonshme – Shtëpitë dhe fabrikat janë kërcënuar

Një seri zjarresh shpërthyen në Long Island në Nju Jork, SHBA, të shtunën duke detyruar autoritetet lokale të mbyllin pjesë të mëdha të një autostrade në Suffolk County. Konkretisht, policia mbylli një pjesë të autostradës, e cila është një aks rrugor drejt majës lindore të Long Island.

Për shuarjen e zjarreve janë mobilizuar helikopterë dhe mjete ajrore pa pilot. Zjarret shtrihen në një rreze prej 11 km në zonën përreth Westhampton dhe Eastport në bregun jugor.

Sipas autoriteteve lokale, është kërkuar evakuimi i Westhampton, ndërsa erërat e forta po vështirësojnë punën e zjarrfikësve. Më shumë se 80 agjenci janë përfshirë në shuarjen e tre zjarreve në Long Island-in lindor, sipas mediave lokale.

“Zjarri është i madh,” sipas mbikëqyrësit të qytetit Brookhaven, Dan Panico, i cili postoi një video me helikopter që tregon shtrirjen e zjarrit.

“Video nga lart e zjarrit të madh në pyjet me pisha. Falenderojmë të gjithë zjarrfikësit dhe punonjësit që po luftojnë me flakët”, ka shkruar Panikos në Facebook.

Erërat e forta dhe lagështia e ulët krijuan kushtet për shpërthimin e zjarreve, sipas Shërbimit të Shpëtimit dhe Emergjencave të Qarkut Suffolk, i cili paralajmëroi të shtunën më herët për rrezikun e zjarreve.

Guvernatori Kathy Hokul tha se zjarret ishin në Pine Barrens, një park natyror prej 105,000 hektarësh, pranë aeroportit Francis S. Gabreski në Westhampton. Guvernatori i Nju Jorkut shpalli gjendjen e jashtëzakonshme të shtunën pasdite.

“Për momentin zjarri është ende jashtë kontrollit,” i tha Hochul stacionit televiziv lokal News 12. “Ne po shohim që njerëzit duhet të evakuohen nga zona e Westhampton,” tha ai, duke shtuar se mund të nevojiten më shumë evakuime.

Guvernatori Hochul tha se shtëpitë, një fabrikë kimike dhe një magazinë Amazon ishin në rrezik. Videot e postuara në mediat sociale treguan flakët që ishin në ajër dhe kolonat e tymit të zi që ngriheshin mbi rrugë.

“Ne jemi në komunikim të ngushtë me partnerët lokalë në Long Island për të koordinuar ndihmën dhe për të siguruar që ata kanë burimet që u nevojiten për të mbrojtur komunitetet e tyre,” tha guvernatori Kathy Hokul.

“Siguria publike është prioriteti im kryesor dhe jam i përkushtuar të bëj gjithçka që është e mundur për të mbajtur banorët e Long Island të sigurt”, përfundoi Guvernatori Hochul, ndërsa refuzoi të vlerësojë shtrirjen e zjarreve, duke thënë vetëm se ato po rriten me shpejtësi.