Ski/ Lara Colturi, e gjashta në pistën e Sestriere
Nga OraNews Përditësimi i fundit 22 Shkurt 2025, 18:43
Tjetër paraqitje e mirë për skiatoren shqiptare Lara Colturi në garat e Kupës së Botës për femra në ski.
Pas vendit të shtatë një ditë më parë në pistën e Sestriere, sot skiatorja kuqezi u klasifikua e gjashta në garën e sllallomit gjigand.
Pas zbritjes së parë, Colturi u klasifikua e 12-ta, me kohën 1’04”14.
Zbritja e dytë ishte shumë më e mirë për skiatoren kuqezi, që fitoi gjashtë pozicione, duke përfituar edhe nga tërheqja e disa rivaleve gjatë garës.
Ajo dha kohën 1’06”33, duke u ngjitur në vendin e gjashtë me kohën e përgjithshme 2’10”44.
Një paraqitje e shkëlqyer e 18-vjecares kuqezi, që edhe këtë garë e bylli Brenda 10 më të mirave, sic po bëhet tashmë një traditë për të.
Pra, dy gara shumë të mira të Lara Colturi në harkun kohor të 24 orëve, duke u konfirmuar një skiatore me shumë perspektivë.
Këtë vit ajo ka arritur të ngjitet dy herë në podium në garat e Kupës së Botës, një sezon që po i afrohet fundit.
