Aksident në aksin Librazhd-Elbasan, përplasen dy makina, një i plagosur
Nga OraNews Përditësimi i fundit 3 Shkurt 2025, 11:34
Një aksident automobilistik është regjistruar mëngjesin e kësaj të hëne në aksin rrugor Librazhd -Elbasan, në vendin e quajtur “Kthesat e Murrashit”.
Nga informacionet paraprake mësohet se dy automjete janë përplasur me njëri-tjetrin. Si pasojë e aksidentit ka mbetur i plagosur një person, i cili është dërguar me urgjencë në spitalin e Elbasanit për mjekim.
Grupi hetimor ndodhet në vendin e ngjarjes dhe po punon për zbardhjen e shkaqeve të aksidentit.
