Meshë për përshpirtjen e Kryepeshkopit/ Në katedralen “Ngjallja e Krishtit” në Korçë mbahet mesha
Nga OraNews Përditësimi i fundit 26 Janar 2025, 11:41
Në ditën e parë të zisë kishtare për ndarjen nga jeta të Kryepeshkopit Anastas Janullatos,në Katedralen Ngjallja e Krishtit në Korçë u mbajt gjatë mëngjesit shërbesa e përshpirtjes.
Dhjetra besimtarë u lutën dhe ndezën qirinj për prehjen e shpirtit të Kryepeshkopit Janullatos. Besimtarët kanë vlerësur kontributin e çmuar të Janullatos,i cili ngriti nga hiri themelet e Kishës Ortodokse Shqiptare.
Në mungesë të mitropolitit të Korçēs, imzot Johanit, i cili u caktua nga Sinodhi i Shenjtë,kujdestar i fronit të krypeshkopit,shërbesa u mbajt nga një tjetër klerik i Mitropolisë së Korçës.
Gjatë shërbesës u kujtua vepra dhe përkushtimi i Janullatos,duke u vënë theksi tek solidariteti,përgjegjësia dhe bashkimi i komunitetit ortodoks për të vazhduar misionin e tij.
Në përfundim të meshës së përshpirtjes,në të gjitha kishat e Korçës ranë për disa minuta këmbanat.
