KUJDES! PAMJE SHQETËSUESE! Përplasje e përg*akshme me forcat e sigurisë në Brazil, 13 të vdekur (VIDEO)
Nga OraNews Përditësimi i fundit 18 Janar 2025, 10:09
Trembëdhjetë persona janë vrarë në katër ditët e fundit në Porto Velho, kryeqyteti i shtetit Rondonia në Brazilin perëndimor, ku përleshjet e bandave me forcat e sigurisë kanë ngritur shqetësime për rritjen e krimit.
Tetë persona janë vrarë në sulmet e bandave dhe pesë të tjerë kanë vdekur në përleshjet me policinë që nga mëngjesi i së martës, sipas shërbimeve të sigurisë në Rondonia.
Banditët i vunë flakën 20 autobusëve, përfshirë autobusët e shkollave, me gjasë si hakmarrje për operacionet e fundit të policisë. Për arsye sigurie, autoritetet kanë kufizuar rrugët e transportit publik, të cilat po kryhen me shoqërimin e policisë.
???? Moradores da cidade de Porto Velho, capital de Rondônia, passam por momentos de grande tensão desde o 27 de dezembro do ano passado quando um PM prendeu quatro foragidos e apreendeu um revólver, munições e rádios comunicadores, no conjunto habitacional Orgulho do Madeira,… pic.twitter.com/LkdtL8XIhR
— Rede Onda Digital (@redeondadigital) January 16, 2025
Qeveria federale ka urdhëruar vendosjen e forcave shtesë të sigurisë në shtetin e Rondonias për të përforcuar policinë lokale që po përpiqet të kontrollojë një valë dhune që ka marrë përmasa të mëdha prej tre muajsh.
???? Porto velho vira palco de violência por criminosos deixando 12 mortos e 20 pessoas hospitalizadas após confronto com a polícia ???? pic.twitter.com/G0UrN8eL1j
— Portal Tucuxi (@portaltucuxi) January 17, 2025
Departamenti i policisë së Porto Velhos fajëson për trazirat organizatën kriminale Comando Vermelho (CV), e cila ka nisur një breshëri sulmesh kundër policisë si hakmarrje për bastisjet në një kompleks banesash nën kontrollin e saj, sipas faqes së internetit G1.
Megjithëse banda Comando Vermelho u themelua në Rio de Zhaneiro, mijëra kilometra larg, ajo është shndërruar në vitet e fundit në organizatën më të fuqishme kriminale në Amazona.
