Laçi bën lëvizjen e parë në merkato, prezanton ish-mesfushorin e Skënderbeut
Nga OraNews Përditësimi i fundit 7 Janar 2025, 16:35
Alban Shabani është afrimi i parë i Laçit në këtë merkato.
Bëhet fjalë për një mesfushor qendre, i cili këtë sezon ka qenë pjesë e Feronikelit dhe që e njeh futbollin shqiptar, pasi më parë ka luajtur pak për Skënderbeun në Superiore.
Shabani ka firmosur një kontratë dy vjeçare, ndërsa me anë të një postimi në rrjetet sociale, kurbinasit i urojnë mirëseardhjen në skuadër.
Mesfushori 24-vjeçar nga Kosova do të mbajë veshur fanellën bardhezi për 2 vitet e ardhshme, teksa më parë ka qene pjesë edhe e Llapit, Skënderbeut, Drenicës dhe së fundmi Feronikelit ku ka mbajtur dhe shiritin e kapitenit. Shabani numëron dhe dy paraqitje me kombëtaren e Kosovës U21.
View this post on Instagram
