Ligjërimi i “SKY ECC”, nis gjykimi në themel në GJKKO i “Metamorfozës”. Avokatët e Pëllumb Gjokës dhe ish-shefit të Policisë kërkojnë...
Nga Edison Vatnikaj Përditësimi i fundit 7 Janar 2025, 15:17
Pas vendimit të Gjykatës Kushtetuese për aplikacionin famëkeq “SKY ECC”, nis gjykimi në themel në GJKKO i dosjes “Metamorfoza”.
Në seancën e parë në themel nuk është paraqitur biznesmeni Pëllumb Gjoka, por ai ka zgjedhur të mbrohet nga avokatët Ylli Manjani dhe Gurali Brahimllari.
Prokurori Altin Dumani, njëherazi kreu i SPAK-ut, kërkon vijimin e shqyrtimit gjyqësor dhe viktimat e veprës penale të quhen të njoftuar pasi gjykata ka ezauruar rrugën ligjore.
Avokati i ish-shefit të policisë Ardrit Hasanbegaj kërkon shtyrje të seancës për shkaqe proceduriale për të pasur kontakt me klientin dhe një mbrojtje efektive.
Ndërkohë, avokatët e Pëllumb Gjokës kërkojnë të shtyhet në afatin maksimal për të pritur dhe zbardhjen e vendimit të Gjykatës Kushtetuese për legjitimimin e “SKY ECC”- së.
