Berisha niset drejt SPAK për “detyrim paraqitje”, atje e presin mbështetësit e PD-së
Nga OraNews Përditësimi i fundit 6 Janar 2025, 09:50
Sali Berisha niset drejt SPAK për “detyrim paraqitje”.
Atje kryedemokrati do pritet nga mbështetës të PD që kanë lajmëruar protestë para SPAK.
Tre javë më parë, SPAK apeloi në Apelin e Posaçëm lirimin e ish-kryeministrit Sali Berisha nga arresti shtëpiak dhe kërkoi rikthimin e masës.
Berisha u lirua në 27 nëntor 2024 pas qëndrimit për rreth 1 vit në arrest shtëpiak, pasi akuzohej si i përfshirë në dosjen “Partizani”.
Sali Berisha u mor i pandehur për korrupsion pasiv pasi akuzohet nga SPAK se ka ndërmarrë veprime konkrete në miratim ligjesh dhe aktesh nënligjore, për t’i përshtatur sipas nevojave të pesë familjeve pronare në kompleksin sportiv Partizani, ku përfitues ishte edhe dhëndri i tij, Jamarbër Malltezi.
