Baerbock dhe Barrot në Damask për të takuar liderin Ahmad al-Chareh

Nga OraNews Përditësimi i fundit 3 Janar 2025, 17:21

Krerët e diplomacisë franceze dhe gjermane do të takohen sot në Damask me liderin sirian Ahmad al-Chareh, vizita e parë e këtij niveli nga zyrtarë nga fuqitë e mëdha perëndimore tek autoritetet e reja siriane, hapat e parë të të cilëve po shqyrtohen me kujdes.

Jean-Noël Barrot mbërriti në Damask sot në mëngjes.

Në këtë vizitë nën mandatin e Bashkimit Evropian do t’i bashkohet homologia e tij gjermane, Annalena Baerbock.

”Së bashku, Franca dhe Gjermania qëndrojnë përkrah popullit sirian, në të gjithë diversitetin e tyre”, shkroi në X ministri i Jashtëm francez.

Ai theksoi se të dy vendet donin “të nxisin një tranzicion paqësor dhe kërkues në shërbim të sirianëve dhe për stabilitetin rajonal”.

Të dy ministrat do të takohen së bashku me Ahmad al-Chareh, në krye të një koalicioni të udhëhequr nga grupi i tij radikal islamik, Hayat Tahrir al-Sham (HTS), i cili rrëzoi presidentin Bashar al-Assad nga pushteti më 8 dhjetor.

”Udhëtimi im sot, me homologun tim francez dhe në emër të BE-së, është një sinjal i qartë për sirianët: një fillim i ri politik midis Evropës dhe Sirisë, midis Gjermanisë dhe Sirisë është i mundur”, tha Baerbock.