VIDEO/ Deputetët shqiptarë dhe kosovarë bashkë në Kuvendin e Prishtinës, nis seanca e përbashkët
Nga OraNews Përditësimi i fundit 20 Dhjetor 2024, 10:56
Deputetët shqiptarë kanë mbërritur në Kuvendin e Kosovës, ku për pak çaste pritet nisja e seancës së përbashkët.
Seanca ka nisur me falënderimet e kryeparlamentarit të Kosovës Glauk Konjufca e më pas me himnin kombëtar, ndërsa fjalimi i parë u prezantua nga kryeparlamentarja Elisa Spiropali, e cila ia dha fjalën homologut Konjufca.
NDIQNI PUNIMET NE KUVENDIN E KOSOVES
AGJENDA E PUNIMEVE:
Seanca do të nisë në ora 11:00 në Kuvendin e Kosovës.
Në këtë mbledhje do të jenë të pranishëm 130 deputete.
70 ligjvënës do të jenë nga Kuvendi i Kosovës dhe 60 të tjerë nga Kuvendi i Shqipërisë.
Po ashtu në mbledhjen e përbashkët do të jenë edhe dy kryeministrat, Edi Rama dhe Albin Kurti.
Në agjendën e parashikuar të këtij takimi është parashikuar që pas himneve të të dyja vendeve, mbledhja të nisë me fjalën e kryeparlamentarit të Kosovës, Glauk Konjufca dhe pas tij do të flasë kryeparlamentarja e Shqipërisë, Elisa Spiropali.
Mbledhja e përbashkët do të përmbyllet me një fjalim të Albin Kurtit dhe Edi Ramës.
