'FIFA THE BEST'/ Njihuni me votat e Sylvinhos dhe Gjimshitit, kapiteni i Kombëtares çudit me zgjedhjen
Nga OraNews Përditësimi i fundit 17 Dhjetor 2024, 20:33
Braziliani Vinicius u shpall sot fituesit i çmimit “The Best” që jepet nga FIFA.
Braziliani ishte humbësi i madh te “Topi i Artë”, ku u mposht nga Rodri, ndërsa sot kaloi pikërisht mesfushorin spanjoll për të bërë të tijin trofeun.
Në votime këtë radhë, përveç përfaqësuesve të mediave, u përfshinë edhe trajnerët dhe kapitenët e kombëtareve.
Ashtu siç pritej, trajneri i Kombëtares, Silvinjo, ka votuar pikërisht për bashkëkombësin e tij brazilian, duke i dhënë vendin e parë Vinicusit mes tre alternativave.
Rodri ishte zgjedhja e dytë, ndërsa Bellingam ishte e treta.
Më pak e zakontë ishte zgjedhja e kapitenit Berat Gjimshiti, i cili në vendin e parë ka zgjedhur gjermanin Toni Kroos.
Në vend të dytë ai ka renditur Vinicus, ndërsa në të tretin ishte Rodri.
