Akuzohet për shpifje, sot zhvillohet seanca e parë për kreun e grupit parlamentar të PD-së, Gazment Bardhi
Nga Edison Vatnikaj Përditësimi i fundit 5 Dhjetor 2024, 12:17
Në orën 12.00 zhvillohet seanca e parë për kreun e grupit parlamentar të Partisë Demokratike Gazmend Bardhi.
Bardhi akuzohet për kryerjen e veprës penale “Shpifja” nga OSHEE Group sha, pas deklaratave të bëra për abuzim me tenderat.
Nga shorti elektronik që u hodh në datën 13 nëntor, Elsa Ulliri u caktua gjyqtarja për hetimin paraprak. Kjo e fundit i kërkon palëve ta zgjidhin me mirëkuptim cështjen.
Dosja ndaj Bardhit erdhi për kompetencë në GJKKO nga Gjykata e Shkallës së Parë e Juridiksionit të Përgjithshëm Tiranë.
Gazmend Bardhi ka një tjetër cështje në gjykatën e posacme, ku është paditur nga Edmond Sulaj, ish drejtori i policisë së Shkodrës.
Në datë 12 shtator, në foltoren e Kuvendit, Gazmend Bardhi hodhi akuza ndaj Edmond Sulës.
Bardhi lexoi disa komunikime që kanë dalë nga aplikacioni Sky Ecc, për të cilat thotë se janë provë se drejtori i policise Shkodër është emëruar nga bandat.
