Elezi: Ekziston mundësia që siguria e Kosovës të jetë në rrezik, kemi kërkuar vigjilencë
Nga Siklajda Shorja Përditësimi i fundit 2 Dhjetor 2024, 18:18
Bedri Elezi, ekspert sigurie në Kosovë, në një intervistë në Ora Neës u shpreh se ekziston mundësia që siguria e Kosovës të jetë në rrezik.
Elezi: Ka një kohë të gjatë që ne kemi paralajmëruar institucionet e Kosovës që Kosova është e ekspozuar para një situate të rëndë të sigurisë dhe ekziston rreziku që grupe kriminale dhe terroriste të cilat i ka shpallur qeveria e Kosovës dy organizata terroriste të kryejnë veprime të cilat do cënojnë sigurinë e Kosovës.
Ne kemi pasur në vazhdimësi deklarata publike rreth shqetësimeve dhe kemi kërkuar një vigjilencë dhe kemi kërkuar që të merren masa për të siguruar informacione.
Përkundër faktit që qeveria e Kosovës ka shpallur dy organizata terroriste, nuk kemi parë se ka organizuar një plan operativ special.
Ky sulm padyshim e mori vëmendjen e Ndërkombëtarëve dhe kemi pasur një angazhim të fuqishëm.
