Ivan Gvozdenoviç largohet pas 2 vitesh nga drejtimi i Skënderbeut
Nga OraNews Përditësimi i fundit 1 Dhjetor 2024, 10:01
Ivan Gvozdenoviç ka paraqitur dorëheqjen pas humbjes 1-0 në transfertën e djeshme me Laçin.
Kështu korçarët janë aktualisht pa trajner.
46-vjeçari ishte aktualisht dhe trajneri më jetëgjatë te një klub i Superiores.
Kjo pasi drejtimin e Skënderbeut e mori prej 26 nëntorit të vitit 2022 duke plotësuar 2 vite.
Asokohe u ul në stolin e Skënderbeut që ndodhej në Kategorinë e Parë, për ta kthyer në Superiore.
Një objektiv që u arrit, ndërsa korçarët shkuan dhe në “Final Four” gjatë sezonit të kaluar.
Ndërkohë ky edicion rezulton tërësisht zhgënjyes te bardhekuqtë.
Skënderbeu aktualisht mban vendin e parafundit me pikë të barabarta sa Bylisi i vendit të fundit në 15 javë të luajtura.
