Komuna e Zveçanit për herë të parë me seancë solemne për 28 Nëntor
Nga OraNews Përditësimi i fundit 28 Nëntor 2024, 12:35
Për nder të 28 Nëntorit, sot në Zveçan pjesa veriore e Kosovës, për herë të parë është mbajtur seanca solemne e Kuvendit Komunal.
Kryetari i Komunës së Zveçanit, Ilir Peci u shpreh i nderuar për mundësinë e fjalimit të tij para këshilltarëve të këtij kuvendi, në këtë ditë të veçantë për shqiptarët.
“Ne kujtojmë ditën kur ëndrrat e të parëve tanë morën kuptim”, ka thënë mes tjerash Peci gjatë fjalimit të tij.
