Dhu*oi arbitrin në fushë, dënim me burg për presidentin e klubit turk
Nga OraNews Përditësimi i fundit 11 Nëntor 2024, 16:37
Presidenti i klubit turk të Ankaragucu, Faruk Koca, paguan shtrenjtë gjestin e shëmtuar të bërë gati një vit më parë kur dhunoi arbitrin e ndeshjes me Caykur Rizespor (1-1).
Koca goditi me grusht në fytyrë gjyqtarin Halil Umut Meler pas vërshëllimës së fundit.
Më pas Meler ra në tokë dhe persona të tjerë e shkelmuan.
Gjyqtari ndër të tjera pati pësuar edhe një thyerje në mollëz.
Për këtë episod Gjykata vendosi dënim me burg tre vjet e shtatë muaj për dëmtim të qëllimshëm, njoftoi agjencia shtetërore e lajmeve Anadolu.
Gjithashtu kjo masë u mor edhe për tre persona të tjerë të përfshirë.
