NBA/ Boston pëson humbjen e parë sezonale, dy skuadra surprizë kryesojnë dy Konferencat
Nga OraNews Përditësimi i fundit 31 Tetor 2024, 09:48
Humbja e parë sezonale për Boston, që u mund 135-132 pas kohës shtesë nga Indiana.
Sfidë spektakolare, ku për Celtics nuk mjaftuan 85 pikët e trios Brown-Tatum-White.
Për Indianan, 7 lojtarë realizuan mbi 10 pikë, ku u dalluan Mathurin me 30 pikë e Siakam me 29 pikë.
Zhgënjen edhe ekipi i Lakers, që u mund 134-110 nga Cleveland, që kryeson i vetëm renditjen në Konferencën e Lindjes me 5 fitore.
Mobley me 25 pikë e Mitchell me 24 bënë diferencën në fushë për Cavaliers.
Në Perëndim, kryeson ekipi i Oklahomës, që mundi 105-93 San Antonio, duke korrur fitoren e katërt radhazi (s’ka asnjë humbje).
Fiton edhe skuadra e Golden State, që falë 21 pikëve të Hield mundi 104-89 New Orleans.
Skuadra e Clippers humbet në sekondat e fundit 106-105 në fushën e saj nga Portland, sfidë ku u dallua Simons me 25 pikë për miqtë.
Edhe Miami humbet në fushën e tij, 116-107 ndaj New York, ndeshje ku Towns realizoi 44 pikë e 13 rebound.
Rezultatet
Charlotte – Toronto 138-133
Cleveland – Lakers 134-110
Indiana – Boston 135-132
Philadelphia – Detroit 95-105
Washington – Atlanta 133-120
Miami – New York 107-116
Chicago – Orlando 102-99
Memphis – Brooklyn 106-119
Oklahoma – San Antonio 105-93
Golden State – New Orleans 104-89
Clippers – Portland 105-106
