Prokuroria e Tiranës çon në gjyq në mungesë të shumëkërkuarin e drejtësisë Fatjon Muratin

Nga OraNews Përditësimi i fundit 24 Tetor 2024, 11:03

Në kërkim për një sërë veprash penale nga pjesëmarrja në organizatë kriminale tek trafikim i lëndëve narkotike, Prokuroria Tiranë çon në gjyq shtetasin Fatjon Muratin.

NJOFTIMI

Prokuroria pranë Gjykatës së Shkallës së Parë të Juridiksionit të Përgjithshëm, Tiranë përfundon hetimet dhe dërgon në gjyq të pandehurin, shtetasin F.M. për veprën penale të ‘Pastrim të produkteve të veprës penale apo përfshirjes në veprimtari kriminale’ parashikuar nga neni 287/a i Kodit Penal.

Nga tërësia e provave të grumbulluara gjatë hetimit paraprak për procedimin penal nr.2600/2018, rezultoi e provuar se, ky shtetas, me anë të pasurisë (para cash) të krijuar nga veprimtaria e kundraligjshme e vjedhjes dhe trafikimit të lëndëve narkotike të zhvilluar në Itali, për periudhën 2014-2015, ka investuar në pasuri të paluajtshme dhe të luajtshme, duke i transferuar ato në emër të familjarëve të tij (nënës dhe vëllezerve) me qëllim mbulimin e origjinës së tyre dhe për të shmangur çdo pasojë juridike të mëtejshme mbi këto prona.

Konkretisht;

-          Njësi, kati nëntokë në objekt 6 katësh, sipërfaqe 317 m2, adresë Albanopoli, Tiranë në pronësi të nënës;

-          Automjet Citroen;

-          Automjet Mercedes Benz; dhe

-          Automjet Daimler.

Këto pasuri në emër të nënës dhe 3 automjetet në emër të subjektit dhe vëllezërve nuk justifikohen me të ardhurat e ligjshme të realizuara prej tyre.

Sa më sipër, nga hetimet paraprake rezulton e provuar se ka të dhëna të mjaftueshme që të krijojnë bindjen se i pandehuri F.M., ka konsumuar plotësisht elementët e figures së veprës penale të parashikuar nga neni 287/a i K.Penal.

Në materialin referues thuhej se shtetasi F.M. në bashkëpunim me gjashtë persona të tjerë, vepronin si pjesë e një organizate kriminale, të arrestuar nga policia italiane, fillimisht me tendencëvjedhjedhemë pas e kanëzgjeruaraktivitetin e tyrekriminal, duke përfshirëedhetrafikimin e lëndëvenarkotike.

Shtetasi F.M. është aktualisht i kërkuar në nivel kombëtar për evazion në vitin 2015, ‘pranimin e mallrave të vjedhura’, ‘posedim abuziv të armëve’, ‘Pjesëmarrjes në krime’ dhe për ‘Trafikim të lëndëve narkotike’.

KUSH ËSHTË FAJTON MURATI?

Mbrëmjen e 12 marsit të vitit të kaluar persona të paidentifikuar hapën zjarr ndaj një lokali ku kishte klientë dhe vranë aty banakieren dhe plagosën 5 persona të tjetër.

Ngjarja ndodhi në zonën e “Don Boskos”. Siç u raportua në atë kohë, në shënjestër e atentatit duket se ka qenë Seit Murati, xhaxhai i Fatjon Muratit, një personazh i lakuar për disa ngjarje kriminale.

Fajton Murati, i cili ishte lënë në arrest shtëpie për akuzën e armëmbajtjes pa leje, ndërsa pas kontrolleve të ushtruara në banesën e tij, policia nuk e gjeti aty, ndërsa u aludua se ai ishte larguar jashtë vendit.

Kujtojmë se tetorin e 2022-it, Fatjon Murati u ndalua se ishte në kërkim për armëmbajtje pa leje. Ai u ndalua dhe pasi qëndroi për disa kohë në masën ‘arrest me burg’ u la në masën ‘arrest shtëpie’.

Ai dyshohet se bashkë me Kristjan Gjinin posedonin arsenal armësh, ndonëse nuk e ka pranuar asnjëherë fajin. Po ashtu Murati u mor në pyetje dhe nga prokuroria e Kurbinit, për masakrën e Fushë-Krujës, ku mbeti i vrarë Brilant Martinaj dhe dy shokët e tij, Diklen Vataj dhe Besmir Hoxha, ndërsa më pas u la i lirë.

Sipas grupit hetimor, shënjestër e atentatit të 13 marsit 2023 ka qenë xhaxhai i tij, si shenjë hakmarrje për Fajton Muratin, i cili rezulton të jetë mik i Endrit Dokles. Ndërkohë xhaxhai Muratit mori dy plumba në shpatull, jashtë rrezikut për jetën.