Becker jashtë... Slot e ka gjetur zgjidhjen: "Kelleher është një zëvendësues i mirë"
Nga OraNews Përditësimi i fundit 19 Tetor 2024, 17:44
Është koha që edhe skuadrat angleze të rikthehen në fushë dhe nesër do të ketë një ndeshje të madhe, Liverpool-Chelsea.
Renditja kërkon që Reds të mos humbasin terren, duke marrë parasysh frymëmarrjen në qafë të Manchester Cityt dhe Arsenalit, ndaj me këtë rast Arne Slot nuk dëshiron të nënvlerësojë asnjë detaj. Dhe shëndeti i lojtarëve do të jetë jetik për sa i përket rezultatit.
Në mesin e të padisponueshmëve të trajnerit holandez, padyshim që portieri startues Alisson Becker është jashtë për shkak të një dëmtimi që ka pësuar kundër Crystal Palace në Selhurst Park. Gjatë konferencës për shtyp, ish-trajneri i Feyenoord konfirmoi mungesën e tij:
"Alisson definitivisht nuk do të jetë me ne në javët e ardhshme, - tha Slot, - kjo është e qartë. Është një goditje e keqe për të dhe për ne, sepse mendoj se ai ka bërë shumë mirë këtë sezon dhe ai ka bërë shumë mirë për këtë klub për shumë vite”.
Për më tepër, trajneri holandez e kishte ‘zëvendësuar’ Alisson më parë në këtë fillim të pafat të sezonit: “Gjëja pozitive, dhe e kam thënë disa herë, është se Caoimhin (Kelleher) na ka bërë mirë në vitet e mëparshme dhe këtë sezon gjithashtu, kështu që ne kemi një zëvendësues të mirë. Por ne gjithmonë duam t'i kemi të gjithë lojtarët tanë në dispozicion,”- tha trajneri Slot.
