VIDEO/ Mbi 77 pasgoditje pas tërmetit me magnitudës 5.9 ballë në Turqi
Nga OraNews Përditësimi i fundit 16 Tetor 2024, 15:56
Më shumë se 77 pasgoditje që variojnë nga 0.7 deri në 3 të shkallës Rihter u ndjenë në provincën Malatya në Turqinë lindore pas tërmetit 5.9 që goditi Turqinë në orën 10:46. Thellësia fokale e tërmetit u gjet në 10.07 kilometra, ndërsa lëkundjet u ndjenë në qarqet fqinje të Elazig dhe Dijarbakir, por edhe në zonën më të gjerë, në Kahramanmaras, Erzincan, Tunceli dhe Antiyaman, duke shkaktuar panik tek banorët.
Tre ndërtesa në Malatya, Sanliurfa dhe Elazig u dëmtuan, ndërsa 4 persona u shpëtuan të gjallë në një ndërtesë pjesërisht të dëmtuar në Elazig. Guvernatori i Elazig tha, sipas mediave turke, se 94 persona janë lënduar. Guvernatori i Malatya mohon se ndërtesat janë shembur. Guvernatori i Malatya, Sedar Yavuz, tha në deklaratën e tij se nuk ka pasur shembje ndërtesash, pasi të gjitha ndërtesat që ishin dëmtuar rëndë tashmë ishin prishur, ndërsa ato që ishin nën pretendime ligjore ishin evakuuar.
Sipas Yavuz nuk ka humbje jetësh apo të lënduar, por ka qytetarë në panik. Siç tha ai, ka pasur të lënduar nga civilët për shkak të panikut. Njëri u hodh nga kati i 2-të dhe është në gjendje të mirë në spital. Shkollat janë mbyllur si masë paraprake për ditën e sotme.
