Balliu: Puç kushtetues nga Gjykata e Lartë! Vendimi i ri, rrezik për mbi 500 mijë familje të përfshira në procesin e legalizimit
Nga OraNews Përditësimi i fundit 15 Tetor 2024, 12:07
Koordinatori Rajonal për Tiranën në Partinë Demokratike , Klevis Balliu deklaroi se kreu i Gjykatës së Lartë Sokol Sadushi ka kryer puç kushtetues.
DEKLARATË PËR MEDIA E KLEVIS BALLIUT
Partia Demokratike e Shqipërisë, në një deklaratë të mëhershme ka theksuar kërkesën e saj drejtuar Gjykatës së Lartë për të udhëzuar gjykatat administrative që do të shqyrtohej në Gjykatën e Lartë nga Kolegji Administrativ.
Por, Gjykata e Lartë, e urdhëruar nga pushteti, me në krye Sadushin me grusht në ballë, nuk lejoi që kjo gjykatë të veprojë në zbatim të Vendimit Nr. 35 të Gjykatës Kushtetuese.
Sadushi ka votuar njëherë kundra vendimit Nr. 35 të Gjykatës Kushtetuese në cilësinë e anëtarit të saj, në pakicë, ë kohën e miratimit.
Në pozicionin e tanishëm me vendimin Nr. 357, datë 19.09.2024 të kësaj gjykate, dhënë në çështjen administrative Nr. 31003-00082-00-2017 ai ka kryer puç kushtetues ndaj vendimit të Gjykatës Kushtetuese.
Kështu ai ka ligjëruar pronarët e shpronësuar për efekt të ligjit të legalizimit të kundërshtojnë në Gjykatë procesin e legalizimit, në kundërshtim me Vendimin Nr. 35, datë 10.10.2007 të Gjykatës Kushtetuese, sipas të cilit pronarët e shpronësuar për efekt të ligjit të legalizimit nuk legjitimohen që të kundërshtojnë në Gjykatë procesin e legalizimit të ndërtimeve informale të mbi 500 mijë familjeve, por pronarët e shpronësuar mund t’i drejtohen Gjykatës vetëm për të kundërshtuar vlerën e shpronësimit të pronës së tyre.
Partia Demokratike i bën thirrje Gjykatës Kushtetuese që të neutralizoje kete puc kushtetues te Gjykates se Larte dhe te shfuqizojë vendimin Nr. 357, datë 19.09.2024, në çështjen administrative Nr. 31003-00082-00-2017 të Gjykatës së Lartë. Ky vendim përbën një precedent të rrezikshëm dhe antiligjor për mbi 500 mijë familje shqiptare që kanë përfituar nga ky proces.
